Athbhreithniú ón bPríomhfheidhmeannach
“Sa bhliain 2022 tháinig méadú 5.2% ar mhéideanna trádála i gcomparáid leis an mbliain 2021 le fás onnmhairithe (5.8%) chun tosaigh ar fhás allmhairí (4.8%).”
Barry O’Connell, Príomhfheidhmeannach
Trádáil i 2022
Sa bhliain 2022 tháinig méadú 5.2% ar mhéideanna trádála i gcomparáid leis an mbliain 2021 le fás onnmhairithe (5.8%) chun tosaigh ar fhás allmhairí (4.8%).
Tá sé seo anois laistigh de 3.6% de na toirteanna a láimhseáladh in 2019 agus níos tábhachtaí ná sin tá ár dtoirteanna aonadaithe, i dtéarmaí aonaid RóRó agus LóLó le chéile, siar go dtí laistigh de 2.2% de leibhéil 2019.
Tá níos mó ná ceithre chúigiú de thoirteanna Chalafort Átha Cliath sna modhanna aonadaithe agus bhí méadú 2.1% ar líon iomlán na gcoimeádán agus na leantóirí sa bhliain. Laistigh de seo, tháinig méadú 4.3% ar aonaid RóRó agus tháinig laghdú 2.3% ar aonaid LóLó.
Tá tionchar ag laghdú ar allmhairí Domhainmhara an Chianoirthir ar mhéideanna LóLó, rud a léiríonn meascán de ghlas Covid sa tSín agus an cor chun donais eacnamaíoch i gcoitinne. Laistigh de thoirteanna RóRó, tá aistriú bunúsach i ndáileadh geografach toirteanna aonadaithe amach ón mBreatain Mhór agus i dtreo ballstáit eile an AE. Is é an príomhthionchar ó thaobh Chalafort Bhaile Átha Cliath de ná brú méadaithe a chur ar ár n-acmhainn mar is seirbhísí gan tionlacan tiománaithe den chuid is mó iad na seirbhísí Eorpacha fadtréimhseacha a chuireann brú breise ar ár n-acmhainní talún.
Áiteanna eile sna móid aonadaithe, chuaigh allmhairí feithicle trádála i méid de 8.1% go 89,106.
Mhéadaigh na modhanna neamh-aonadaithe 14.6% don bhliain. D’fheidhmigh Bulcleachtanna go láidir i rith na bliana le fás de 19.7%. Ag 4.7m tona, is ionann é seo agus an bhliain is mó riamh, rud a sháraigh toirt 2019 faoi 1.1%. Tháinig fás 5.2% ar Bhulcsholaid mar gheall ar allmhairí bia ainmhithe agus onnmhairí fíneálacha stroighne.
Le linn 2022 tháinig téarnamh láidir ar thrácht turasóireachta le harduithe móra in 2021. Ag an leibhéal seo, tá líon na dturasóirí ag dreapadh siar go leibhéil réamh-phaindéim na bliana 2019.
Allmhairí/Onnmhairí 2022
36.9m Olltonaí i milliúin
Onnmhairí: 14.5
Allmhairí: 22.2
Méideanna aonadaithe 2022
1,458,915 Iomlán na n-aonad
Aonaid LóLó: .456
Aonaid RóRó: 1.003
Allmhairí/Onnmhairí
‘000 tona comhlán |
2022 |
2021 |
athrú % |
|---|---|---|---|
Allmhairí | 22,234 | 21,217 | 4.8% |
Onnmhairí | 14,519 | 13,723 | 5.8% |
Iomlán | 36,753 | 34,940 | 5.2% |
Méideanna aonadaithe
2022 |
2021 |
athrú % | |
|---|---|---|---|
Aonaid RóRó | 1,003,066 | 962,075 | 4.3% |
Aonaid LóLó | 455,849 | 466,737 | (2.3%) |
Iomlán na n-aonad | 1,458,915 | 1,428,812 | 2.1% |
TEU LóLó | 823,399 | 842,838 | (2.3%) |
Feithiclí trádála | 89,106 | 82,457 | 8.1% |
Toirteanna neamh-aonadaithe
2022 |
2021 |
athrú % | |
|---|---|---|---|
Tonna Bulceachtacha | 4,715 | 3,938 | 19.7% |
Tonaí Bulc Sholad | 2,076 | 1,973 | 5.2% |
Briseadh Builc | 64 | 69 | (7.7%) |
Iomlán na n-aonad neamhaonadaithe | 6,855 | 5,980 | 14.6% |
Méideanna Paisinéirí ar Bháid Farantóireachta
2022 |
2021 |
athrú % | |
|---|---|---|---|
Paisinéirí farantóireachta | 1,685,746 | 845,326 | 99.4% |
Feithiclí turasóireachta | 499,498 | 251,938 | 98.3% |
Thuas: Calafort Intíre Bhaile Átha Cliath
I mí Eanáir 2022, tar éis infheistíocht de €48m go dtí seo, d’oscail Comhlacht Chalafort Átha Cliath an chéim thosaigh de Chalafort Intíre Bhaile Átha Cliath nuair a thosaigh Críochfoirt Chalafort Fartha Átha Cliath ar an obair chun iosta coimeádán folamh úrscothach 5 ha a chur i bhfeidhm.
Feidhmíocht Airgeadais i 2022
B’ionann láimhdeachas na bliana agus an líon is airde riamh de €101.5m, rud a léiríonn méadú de €15.7m (18.3%) ón mbliain roimhe sin. Ba é ba chúis leis seo den chuid is mó ná dleachtanna lastais níos airde mar thoradh ar fhás tréchur agus ardaithe praghais, dleachtanna soithí níos airde agus ioncam ó sheirbhísí comhsheasmhach leis an méadú ar líon na n-árthaí a tháinig isteach, agus táillí níos airde d’am cónaithe tar éis laghdú ar an tréimhse ama saor in aisce a cheadaítear do choimeádáin úsáid níos éifeachtúla acmhainní talún a spreagadh.
Mhéadaigh costais oibriúcháin iomlána sa bhliain 2022 faoi €6.9m (13.8%) go €57.3m ó €50.4m an bhliain roimhe sin:
- Bhí dímheas agus amúchadh (glan ar amúchadh deontais) €0.8m níos airde sa bhliain 2022 ag €14.2m.
- Laghdú ar luacháil dheireadh na bliana ar mhaoin infheistíochta an Chomhlachta de P5 €0.9m.
- Costais árachais agus fuinnimh níos airde de €0.7m agus €0.6m faoi seach.
Leis an méid thuas le chéile, bhí brabúis oibriúcháin de €44.2m ag an Chomhlacht i 2022, 24.8% níos airde ná i 2021.
I bhfianaise fhócas an Chomhlachta ar chlár caipitil mór fiachas-mhaoinithe a sheachadadh, tá sé tábhachtach leibhéal na mbrabús airgid arna thomhas ag EBITDA (an tuilleamh roimh ús, roimh cháin, roimh dhímheas agus roimh amúchadh) a choinneáil.
I rith 2022, b’ionann TRÚCDA agus €59.3m arb ionann é sin agus méadú €10.6m (21.7%) ar 2021.
Faoi bhun na líne Brabúis Oibriúcháin eascraíonn Mír Eisceachtúil dar luach €10m sa bhliain reatha. Baineann sé seo le dáileadh a fháil faoin gComhaontú Forbartha a rinneadh i 1999 le Pointe Thoir Port an Iarla chun cóiríocht oifige a fhorbairt ar thart ar 14 acra talún atá tadhlach le Páirc Ghnó an Phointe Thoir.
Ba é an muirear cánachais don bhliain ná €7.2m i gcomparáid le €4.0m in 2021. Is é cáin a eascraíonn as fáltas eisceachtúil €10m faoin gComhaontú Forbartha thuas is mó a spreag an méadú cánach.
Ba é an brabús don Bhliain Airgeadais 2022 ná €41.3m i gcomparáid le €26.0m in 2021 arb ionann é agus méadú €15.3m (59.0%).
Ba é an Toradh ar Chaipiteal a Úsáideadh (ROCE) do 2022 ná 6.4% i gcomparáid le 5.5% sa bhliain 2021, rud a léiríonn an fheidhmíocht trádála feabhsaithe don bhliain agus caiteachas caipitil níos ísle in 2022 i gcomparáid le blianta beaga anuas. Ba é luach shócmhainní seasta inláimhsithe agus sócmhainní doláimhsithe agus Réadmhaoin Infheistíochta an Comhlacht ag deireadh 2022 ná €703.4m i gcomparáid le €670.8m ag deireadh 2021. Tháinig an ghluaiseacht don bhliain ó bhreiseanna de €48.0m arna bhfritháireamh ag dímheas de €14.5m, amúchadh de €0.1m, agus laghdú €0.9m ar luach réadmhaoin infheistíochta an Comhlacht P5.
Ba é an suíomh glanfhiachais ag deireadh na bliana ná €155.0m, laghdú €9.2m sa bhliain 2021.
Tháinig méadú €94.7m ar iomlán na n-iasachtaí a bhain le iostarraingt na slisne deiridh de €100m faoin liostú bannaí sinsearacha neamhurraithe de €300m, lúide aisíocaíochtaí sceidealaithe de €5.3m maidir le saoráid an Bhainc Eorpaigh Infheistíochta.
Feidhmíocht Airgeadais i 2022
€’000 |
2022 |
2021 |
athrú % |
|---|---|---|---|
Láimhdeachas | 101,477 | 85,769 | 18.3% |
Brabús Oibriúcháin | 44,192 | 35,417 | 24.8% |
Míreanna Eisceachtúla | 10,000 | - | 100.0% |
Brabús roimh cháin | 48,512 | 29,959 | 61.9% |
Brabús i ndiaidh Cánach | 41,337 | 25,995 | 59.0% |
TRÚCDA
€’000 |
2022 |
2021 |
|---|---|---|
Brabús Oibriúcháin | 44,192 | 35,417 |
Dímheas agus amúchadh | 14,619 | 13,874 |
Amúchadh deontas caipitiúil | (454) | (490) |
Gluaiseacht luacha chóir ar réadmhaoin infheistíochta | 850 | - |
Caillteanas/(Brabús) ar dhiúscairt sócmhainní | 141 | (50) |
TRÚCDA | 59,348 | 48,751 |
Glanfhiachas
€m |
2022 |
2021 |
|---|---|---|
Iasachtaí | 382.9 | 288.2 |
Airgead tirim | 227.9 | 124.0 |
Glanfhiachas | 155.0 | 164.2 |
Tionscadal Droichid T4
Trasnaíonn an droichead nua seo, a tugadh chun críche i 2021, Bóthar Alexandra agus ligeann sé don chruthú de chlós lastais comhtháite T4 de c. 25 heicteár agus toilleadh tonnáiste de 11m Tona in aghaidh na bliana.
An Dearcadh atá ar Ghnóthaí le haghaidh 2023
I gcomhthéacs feidhmíochta láidir in 2022, bhí an dá bhliain roimhe sin dúshlánach mar gheall ar chomhéifeachtaí Covid-19 agus Brexit. Agus muid ag breathnú ar aghaidh go dtí 2023, ghlacamar dearcadh réasúnta coimeádach agus rinneamar buiséadú do ráta fáis foriomlán 2.4%. Is dócha go bhfanfaidh míonna tosaigh 2023 bog mar gheall ar cúinsí eacnamaíoch reatha agus tá tionchar ag laghdú ar allmhairí an Chianoirthir ón Domhainfharraige ar mhéideanna LóLó.
Tá an Comhlacht fós dírithe ar chuspóirí fadtéarmacha Mháistirphlean 2040 agus tá ár gClár Infheistíochta Infrastruchtúir Chaipitil ríthábhachtach i gcónaí maidir le freastal ar riachtanais fhadtéarmacha Gheilleagar na hÉireann. Táthar ag súil go n-ardóidh Infheistíocht Chaipitil i 2023 go €87m ó €48.0m i 2022. Beidh an clár infheistíochta in 2023 á thiomáint ag oibreacha forbartha breise ag Imchuach Alexandra Thiar mar chuid den Tionscadal ABR chomh maith le tosú ar oibreacha tógála ag Beartanna 52 agus 53 mar chuid den Tionscadal MP2. Ina theannta sin, leanfaimid freisin d’áis Chalafort Intíre Átha Cliath a fhorbairt chun soláthar a dhéanamh d’athlonnú gníomhaíochtaí neamhlárnacha ón bpríomh-eastát calafoirt chun talamh a shaoradh le haghaidh stórála idirthurais lasta.
Leanfaidh an t-aistriú i méideanna RóRó ó chalafoirt na Breataine Mhóra go dtí na calafoirt Eorpacha a mhaireann níos faide ar aghaidh ag cur brú méadaithe ar thoilleadh na gCalafort toisc gur tiománaí gan tionlacan den chuid is mó a bhíonn méideanna ar na seirbhísí Eorpacha díreacha.
Ar an dea-uair, leanann na rialuithe Teorann ag seirbhísí Stáit ag feidhmiú go héifeachtúil sa mhéid go bhfuil an Comhlacht ag lorg aischur ar a laghad leath den 14.6 heicteár de thailte calafoirt a tugadh ar láimh chun oibríochtaí iniúchta teorann an Chustaim agus na Roinne Talmhaíochta a éascú. Dúshlán ríthábhachtach é sin le sárú má táimid chun na pointí fáiscthe a mhaolú atá ag teacht chun cinn cheana.
Chun an dúshlán seo a chur i gcomhthéacs, is ionann an 14.6 heicteár talún a leithdháiltear ar Sheirbhísí Stáit sa tréimhse roimh Brexit agus thart ar 300,000 aonad RóRó nó 7m tona comhlán in aghaidh na bliana i dtéarmaí acmhainne calafoirt. Is coibhéiseach é seo le 19% dár dtréchur reatha. Is é ár dtuairim go bhfuil sé in am anois úsáid talún agus próisis a athmheasúnú chun riachtanas na seirbhísí stáit a chothromú le riachtanais phráinneacha Chalafort Átha Cliath maidir le hacmhainn agus oibreoirí críochfoirt agus tarlóirí le haghaidh éifeachtúlachta.
San fhadtéarma, ní mór dúinn an bonneagar rialaithe teorann go léir a chomhdhlúthú in aon limistéar amháin – ag cúinne iarthuaisceart an chalafoirt is dócha agus leanfaimid ag plé le hOifig na nOibreacha Poiblí agus Seirbhísí Stáit leis an gcuspóir seo a chur san áireamh.
Tá fócas leanúnach ar phleanáil fhadtéarmach sa Chomhlacht agus oibreoimid i rith na bliana atá le teacht chun an Tionscadal 3FM a fhorbairt agus é mar sprioc iarratas pleanála a chur isteach chuig an mBord Pleanála i samhradh na bliana 2023.
Is é an Tionscadal 3FM an tríú tionscadal Maistirphlean agus an tionscadal deireanach a bheidh ag teastáil chun acmhainn dheireanach Chalafort Átha Cliath a shroicheadh faoi 2040. Tá an tionscadal seo suite ar Leithinis an Phoill Bhig agus soláthróidh sé c.12m tonna toilleadh. Áireoidh an tionscadal athchóiriú ar an gcríochfort LóLó atá ann cheana féin le críochfort RóRó go príomha chun freastal ar bhealaí RóRó gan tionlacan go dtí an Eoraip. Áireofar air freisin críochfort mór LóLó nua a sheachadadh os comhair Cumhachtstáisiún an Phoill Bhig. Príomhghné eile den tionscadal is ea Bealach Rochtana an Chalafoirt Theas (SPAR) a sholáthróidh nasc tiomnaithe ón bPoll Beag go dtí Tollán Chalafort Bhaile Átha Cliath.
Tá freagairt don athrú aeráide i gcroílár ár bpleananna agus in 2022 ghlac an Bord leis an gCreat Gníomhaíochta Aeráide don Earnáil Leathstáit Tráchtála (CSS) agus d’fhormheas sé na spriocanna gníomhaíochta aeráide agus an cur chuige cúig ghealltanas maidir le spriocanna a leagadh síos do 2030 a bhaint amach. I rith 2023 leanfaimid leis an obair atá déanta go dtí seo ag aithint na dtionchar féideartha a bheidh ag athrú aeráide ar bhallaí Thuaidh agus Theas an Chalafoirt agus na bearta maolaithe a theastaíonn. Tá gá le rannpháirtíocht leanúnach agus ghníomhach le páirtithe leasmhara eile chun féachaint ar an tionchar a d’fhéadfadh a bheith ag athrú aeráide ar fhorbairtí agus ar phleanáil Calafoirt atá ar siúl agus amach anseo.
Tá na forbairtí a shamhlaítear i Máistirphlean 2040 ina dtiománaí riachtanach chun an toilleadh calafoirt a sholáthar a theastaíonn chun fás eacnamaíoch agus daonra a éascú amach anseo. Ní leor an bonneagar ann féin, áfach, agus beidh bearta ag teastáil chun cleachtais slabhra soláthair a athrú chun úsáid na hacmhainne atá á fhorbairt a mhéadú. Baineann sé seo go háirithe le hoibríochtaí ar thaobh na talún inar gá aghaidh a thabhairt ar dhá dhúshlán.
Ar an gcéad dul síos, ní mór gluaiseacht earraí ag HGV a bheith 24 / 7 i ndáiríre agus ní mór buaicphointí éilimh reatha a bheith leacaithe. Ar an dara dul síos, tá limistéar talún Chalafort Átha Cliath socraithe, agus dá tapúla a ghluaiseann lasta tríd an gcalafort, is ea is mó a thoilleadh. Maidir leis seo ní mór amanna cónaithe na leantóirí agus na gcoimeádán a laghdú go mór.
Cruthaíonn na cúinsí thuas cuspóir chun digitiú a úsáid mar chumasóir chun éifeachtúlacht oibríochtaí calafoirt a mhéadú. I rith na bliana atá le teacht cuirfimid tús leis an mbunobair le haghaidh tionscnamh a bheidh ina mhórthionscnamh ina mbeidh gá le tionscadal claochlaithe gnó a mbeidh baint aige ní hamháin le Comhlacht Chalafort Átha Cliath ach freisin le raon leathan páirtithe leasmhara ar fud an tslabhra soláthair. Tá ról lárnach ag an digitiú laistigh den Chalafort chun aistriú lasta i bhfad níos réidhe agus níos gasta a éascú.
Is tionscnamh ar fud an Chalafoirt é Dublin SafePort a seoladh in 2022 chun cultúr agus cleachtas sábháilteachta a fheabhsú do gach oibrí i gCalafort Átha Cliath. Is toradh é an tionscnamh ar chomhoibriú fairsing idir Comhlacht Chalafort Átha Cliath agus na seacht n-oibreoir críochfoirt aonadaithe is mó ag Calafort Átha Cliath (Teirminéail Chalafoirt Farantóireachta Átha Cliath, Doyle Shipping Group, Irish Ferries, P&O Ferries, Peel Ports Group (MTL), Seatruck Ferries agus Stena Line). Breathnaítear sa tionscnamh ar chleachtais agus nósanna imeachta caighdeánaithe sábháilteachta ar fud eastát na gcalafort 260 heicteár.
Le linn 2022 tá ailíniú fairsing bainte amach ag grúpaí oibre thionscnamh SafePort Bhaile Átha Cliath ar réimsí mar luaisteoirainn, úsáid Trealamh Cosanta Pearsanta (PPE), agus oiliúint roinnt oibrithe críochfoirt mar Seaimpíní Sábháilteachta, a dhéanann óstáil ar sheisiúin rannpháirtíochta seachtainiúla le hoibrithe an chalafoirt, agus mar thoradh air sin bhí comhráite cumhachtacha ann maidir le cad eile is féidir linn go léir a dhéanamh chun tacú le sábháilteacht laistigh den Chalafort. Déanann SafePort Átha Cliath idirchaidreamh freisin le húdaráis ábhartha eile, lena n-áirítear An Garda Síochána, an tÚdarás um Shábháilteacht ar Bhóithre, agus an HSA. Táimid ag tnúth le leanúint lenár gcuid oibre le chéile mar fhoireann faoi SafePort Átha Cliath i 2023.
Barry O’Connell, Príomhfheidhmeannach
31ú Márta 2023