Nótaí a ghabhann leis na Ráitis Airgeadais

4. Sócmhainní agus dliteanais arna bhfáil ar an Lá Dílsithe

Faoi fhorálacha an Achta Cuanta, 1996, ghlac an Comhlacht na feidhmeanna a bhí ar bun ag iar-Bhord Chalafort agus Duganna Bhaile Átha Cliath ar an 3 Márta 1997 (“Lá Dílseacháin”).

Ansin shocraigh an tAire Cumarsáidí, Mara agus Acmhainní Nádúrtha mar a bhí ann ag an am, an costas don Chomhlacht as sócmhainní arna bhfáil ar an Lá Dílsithe. Tógadh ar láimh dliteanais (pinsin agus deontais chaipitil) ag a méideanna iarbhír nó socraithe. Áirítear le dliteanais phinsin (féach nóta 31) iad siúd i dtaobh theidlíochtaí pinsin roimh an Lá Dílsithe de chuid fhostaithe an Chomhlachta agus pinsinéirí reatha agus iarchurtha an aonáin a bhí ann roimhe, Bord Poirt agus Duganna Bhaile Átha Cliath.

Aistríodh sócmhainní agus feidhmeanna an Choiste Píolótaíochta, a bunaíodh faoin Acht Píolótaíochta 1913, trí oibriú an dlí chuig Comhlacht Chalafort Átha Cliath i mí Iúil 1997, faoin Ordú um an Acht Cuanta, 1996 (Tosach Feidhme) (Uimh. 3) 1997.

Sásaíodh an chomaoin do na glansócmhainní a aistríodh chuig an Chomhlacht nuair a cruthaíodh agus nuair a eisíodh 6.023 milliún gnáthscair de IR£1 (€1.27) gach ceann íoctha go hiomlán. Tá gnáthscair amháin i seilbh an Aire Airgeadais agus tá an chuid eile i seilbh an Aire Iompair an 31 Nollaig 2022.